દળતાં રહેશું દળણું : યોગેશ વૈદ્ય

દળતાં રહેશું દળણું

ભલી ઓશરી અણોસરી આ
                 ભલું એક પાથરણું

     ઘ૨ર્ ઘ૨ર્ ઘર્ ફરે ઘંટલો
                ખરડ ધાન ભરડાતું
     ચૂવે પાણિયારે પરભવ ને
                    કંઠે રાન સુકાતું

                  નથી બોલતા કાગ
  નથી કંઈ ઊગતું કંચનવરણું
 ભલી ઓશરી અણોસરી આ
                 ભલું એક પાથરણું

જ્યાં લગ દીવડે દિવેલ રહેશે
                આ અંધારાં દળશું
         ફરીફરીને જાત ઓરશું
               મૂળમાં પાછાં વળશું
                 
                 અને તોળતાં રહેશું
           દૂરના ડુંગ૨ સામે તરણું

ભલી ઓશરી અણોસરી આ
                ભલું એક પાથરણું
              દળતાં રહેશું દળણું

– યોગેશ વૈદ્ય