Happy Mother’s day!- નેહલ

મા, તારી સ્મૃતિ

દુનિયા માટે

અહીં-ત્યાં પાડેલા ફોટા

આ-તે પ્રસંગ ના ફોટા

પણ મારા માટે

હૈયામાં એક હુંફાળો ખૂણો

માથા પર ફરતા હાથનો સુંવાળો સ્પર્શ

આંખના ખૂણે કદી ના સૂકાતું

ભીનું સરોવર

પીઠ પર ફરેલા નરમ હાથની રાહત

ખોળાની, પાલવની

ક્યાંય ન મળે એવી

મીઠી સુગંધ

તારી વાત્સલ્યથી છલકાતી આંખો ના

ઝળહળતા દીવા

તારી જીવન ને સતત

ઘડતી વાતો

અને એવું બધું

અનેક અગણિત

કેમ કરી ફોટા માં સમાવું??

હેપ્પી મધર્સ ડે, મા!

મારામાં થોડી ખુદને

રોપી જવા માટે.

– નેહલ

Poetry , my poems © Copyright 2017, Nehal