હયાતી
છે ભીની નજર, કોરાં સપનાં, હયાતી.
પડે રેત પર ભીનાં પગલાં, હયાતી.
છળે ઝાંઝવા, ના મટે છે તરસ જે
વહે ટીપે ટીપે એ ઝરણાં, હયાતી.
સરે છે સતત જે ઘડીમાં ક્ષણો આ
ગણો તો ભૂલાવે એ ગણના, હયાતી.
બને સૂર્ય ઝાકળ, પડે જો કિરણ તો
છે ખુદની રચેલી આ ભ્રમણા, હયાતી.
સફળતા, પ્રસિધ્ધિની ટોચે ચઢો તો
છે ડુંગરની પાછળ આ તરણાં, હયાતી.
મળે મંત્ર એને સ્વમાં સ્થિર થવાનો
આ વામન ભરે ત્રણ ડગલાં, હયાતી.
~ નેહલ
Like this:
Like Loading...
Related
Published by
Nehal
I usually write in my mother tongue Gujarati and sometimes in Hindi and English.
Nehal’s world is at the crossroads of my inner and outer worlds, hope you like the journey…
View all posts by Nehal