Gujarati Kavita ગુજરાતી કવિતા, Poetry, Sitanshu Yashschandra સિતાંશુ યશશ્ચંદ્ર

સ્મરણો: એક કોલાજ – સિતાંશુ યશશ્ચંદ્ર

એક કોલાજ

જરાક ઝડપી પવન સમાં એ કંઈક સતત ઉચ્ચરે.
ડૂબી ગયેલાં વહાણ જેવાં મનનાં જળમાં ઠરે.

માદક પેય બની આ સ્મરણો પાત્ર ભરી ઊભરાતાં.
શહેરી લત્તે લત્તે અમથું કોલાહલિયું ગાતાં.

એક અંજપાની કૂંપળ થઈ, વળ ખઈને ઊઘડે.
પછી અણગમો પીળો પીળો વેરી ચોગમ પડે.

આંખો બીડી ચૈત્ર માસની ભરબપ્પોરે બેઠાં.
ડમરીઓના હાથ આખરે થાકી પડતા હેઠા.

અભાવ કેરો ઓપ ચડાવે બધ્ધે કોની યાદ?
બધું એમ જોડાતું – મારો કોલાજી આહ્ લાદ.

સિતાંશુ યશશ્ચંદ્ર (Born 1941)
(સ્મરણો, ‘ઓડિસ્યુસનું હલેસું’ માંથી)

Published by

Nehal

I usually write in my mother tongue Gujarati and sometimes in Hindi and English. Nehal’s world is at the crossroads of my inner and outer worlds, hope you like the journey…