નેહલ, Gujarati Kavita ગુજરાતી કવિતા, My Poems મારી કવિતા, Nehal નેહલ नेहल, Poetry

એવું પણ બને – નેહલ

એવું પણ બને
હું કરું સતત તારી પ્રતિક્ષા
અને ખોજમાં મારી તું રઝળે!

એવું પણ બને
આમ ગોઠવેલી સરસ હો જિંદગી
ખસે પત્તું એક ને, કડડભૂસ મહેલ નીકળે!

એવું પણ બને
પથરાઈ હો પાંપણે સપનાંની કરચો
ટપકે આંસુ એકને, સામટાં મેઘધનુ ઝળહળે!

એવું પણ બને
બુદ્ બુદા  હો ખાલી ક્ષણોના ચોતરફ
અડકું સાવ નજીકથી તો બ્રહ્માંડો ખળભળે!

એવું પણ બને
મૃગજળોને છેતરે મારી તરસ યુગોની
ને જઈ ડૂબે તારી આંખોના સરમાં પળે પળે!

એવું પણ બને
રસ્તા, સફર ને મંઝિલોથી હો બેઠા અમે મોં ફેરવી
થંભેલાં, થાકેલાં ચરણોની જ નીચે મંઝિલો સળવળે!

– નેહલ

Poetry, my poems © Copyright 2016, Nehal

Published by

Nehal

I usually write in my mother tongue Gujarati and sometimes in Hindi and English. Nehal’s world is at the crossroads of my inner and outer worlds, hope you like the journey…

4 thoughts on “એવું પણ બને – નેહલ”

Comments are closed.