Gujarati Kavita ગુજરાતી કવિતા, Margaret Atwood, Poetry

સ્ત્રીનું ગીત

સ્ત્રીનું ગીત

મરણના બે પ્રકાર છે
એક શ્વાસને સડવે છે
ઝડપભેર છેક હાડકાંથી
અને આત્મા બળીઝળીને
આંધી પહેલાં ઊછળતું એક સૂકું પાંદડું થાય ત્યાં સુધી
બીજામાં જીવન સંકેલાઈને રવાના થઈ જાય છે
જેમાં પારદર્શક બિછાત, અજવાળું પાથરતી દીવી અને
હવાની પ્યાલી નભતી હોય, તેવા ગુમાવી દીધેલા
બગીચાના ઝાંપામાંથી સરકી જાય તેમ.

પ્રિય, તારે પસંદ કરવી પડશે
બે અમરતાઓમાંથી એક
એક ધરતી સરોવર વૃક્ષ
નામ વિનાના પંખીનાં પીંછાંની,
બીજી કાચની દુનિયા
સંગેમરમર અને કલાત્મક કાષ્ઠકૃતિની.

-માર્ગરેટ ઍટવુડ
અનુવાદ- નીતા રામૈયા
(કાવ્યવિશ્વ -શ્રેણી કેનેડિયન કવિતા)

M Atwd

Published by

Nehal

I usually write in my mother tongue Gujarati and sometimes in Hindi and English. Nehal’s world is at the crossroads of my inner and outer worlds, hope you like the journey…