Senior Citizen@home.in અરે એટલે ઘરડાં વાળે…(7)

સિનીયર સિટીઝન@ હોમ.ઇનના બધા મૅમ્મબર્સ આજે જાણે પીકનીક પર જવાના હોય એમ ઉત્સાહમાં હતા,સલોનીની ઈચ્છા પ્રશસ્તિપત્ર સૂરજબાના હાથે બીજાં ગ્રુપ મૅમ્મબર્સને અપાવવાની હતી, એ પોતાના કામને એક આંગળી ચિંધનારના કામ સાથે સરખાવતી,ખરો રસ્તો તો આ બધાંએ કાપ્યો હતો.ઓલ્ડએજ હોમનું નામ હતું “once more” .એના ઓપનિંગમાં સલોનીની સાથે ગ્રુપના ઘણા મૅમ્મબર્સ આવ્યા હતા.કાર્યક્રમના ભાગ રુપે આમંત્રિતો માટે એક ટૂરનું આયોજન કરવામાં આવ્યું હતું.એક હસમુખી,તરવરાટથી ભરેલી સૅલ્સગર્લ જેવી યુવતી બધાંને આ ઓલ્ડએજ હોમના ખાસ આકર્ષણોની એક નાની ઑડિઓવિઝ્યુલ કલીપ જોવા એક નાના ઑડિટોરિયમમાં લઈ ગઈ.સરસ પુશબૅક ચેર્સ સાથેનું વાતાનુકૂલિત ઑડિટોરિયમ જોઈ બધાં ખુશ થઈ ગયાં,પેલી યુવતી બધાંને કહે અહીં જુદા જુદા નાટક, સંગીતનાં કાર્યક્રમો ઓલ્ડએજ હોમના મૅમ્મબર્સ માટે યોજવામાં આવશે અને જેનાં જે કલાસનાં રુમ્સ હશે એ ક્લાસની સીટ્સ એમના માટે પહેલેથી રિઝર્વ્ડ હશે,જેમકે ડીલક્સ,સુપર ડીલક્સ,એકઝીક્યુટીવ,વગેરે 200-250ની ક્ષમતા વાળા આ ઑડિટોરિયમ ઉપરાંત એટલંુ જ મોટું એક થિયેટર પણ છે.જ્યાં સભ્યો પોતાની પસંદગીની ફિલ્મો શનિ-રવિ દરમ્યાન જોઈ શકશે,ઉપરાંત ત્યાં પણ પોતાના રુમના ક્લાસ મુજબ સીટ્સ રિઝર્વ્ડ રાખી શકાશે.બધાં ઑડિટોરિયમમાં ગોઠવાઈ ગયાં એટલે પ્રોજેક્ટરમાંથી સ્ક્રિન પર “Once More” ઓલ્ડએજ હોમનો દરવાજો દેખાયો,એક મોટા વર્તુળાકાર કેમ્પસમાં ફેલાયેલું હતું.જેમાં બહારની તરફ,એના પરિઘ પર પાકી સડક હતી જે દરેક વર્ગના રુમ્સના ત્રણ-ચાર માળના મકાનના દરવાજે પહોંચાડતી હતી,દરેક મકાનમાં લિફટ હતી.દરેક પગથિયાં પાસે મોટો રૅમ્પ બનાવેલો હતો જેથી વ્હીલચૅરની સરળતાથી અવર-જવર થઈ શકે.રુમ્સ બુક કરતી વખતે વ્હીલચૅરની જરુરિયાત મુજબ પસંદગી કરીને એ પણ બુક કરી શકાશે એમ જણાવવામાં આવ્યું.અંદરની તરફ વ્હીલચૅર સિવાય! દરેક પ્રકારના વાહનોને પ્રતિબંધ હતો.અનેક ઘટાદાર વૃક્ષોની બંને તરફ હારમાળા હોય એવા દરેક રસ્તા પર થોડા થોડા અંતરે બાંકડા અથવા હિંચકા મૂક્યા હતા.વચ્ચે એક મોટો બગીચો હતો જયાં ગ્રુપમાં બેસી શકાય અને હળવું સંગીત સાંભળી શકાય એવી ગોઠવણ હતી.બહુ જ સુંદર ફુલોથી સજાવેલ બગીચાને જોતાં જ હાશ થાય એવું રમણિય દ્રશ્ય હતું.મકાનો જનરલ ક્લાસથી શરુ કરી,અૅડવાન્સ્ડ જનરલ,ડિલકસ ,વગેરે એક પછી એક આવેલાં હતાં.કિચન અને જમવા માટેનું સ્થળ એક અલગ મકાનમાં હતું,સભ્યો પોતાની જરુર મુજબ ઈન્ટરકૉમથી રૂમમાં ભોજન મંગાવી શકશે હા એનો સર્વિસચાર્જ અલગથી આપવો પડશે.એની જ બાજુમાં એવા વૃધ્ધો માટેનું મકાન હતું જે મોટેભાગે પથારીવશ રહેતાં હોય એમના માટે કૅરટેકર દિવસ-રાત ખડેપગે હાજર હશે, જે નવડાવવા-ખવડાવવાથી માંડીને વ્હીલચૅરમાં સવાર-સાંજ ફરવા લઈ જશે ,છાપાં-પુસ્તકો વાંચી સંભળાવશે અને એમને એટલી ટ્રેનીંગ આપવામાં આવશે કે જો મૅમ્મબરની તબિયત બરાબર ન લાગે તો બાજુમાં જ આવેલી હૉસ્પિટલમાં ચોવિસ કલાક હાજર ડૉકટરને બોલાવશે અને જરૂર પડ્યે હૉસ્પિટલમાં દાખલ પણ કરી દેશે,હા હૉસ્પિટલનું બિલ અલગથી ભરવું પડશે,જેમને મેડિકલ ઈન્સ્યોરન્સ પૉલિસી હશે એમણે પહેલેથી જ જરૂરી દસ્તાવેજો જમા કરાવી દેવા પડશે.હોસ્પિટલનું મકાન પાંચ માળનું હતું,તેમાં એક માળ આખો ઈન્ટે ન્સિવ કૅર માટે હતો,લૅબોરેટરી ,દવાની દુકાન,બધી જ જાતની તપાસ કરવાની વ્યવસ્થા હતી, વધારે સિરીયસ દર્દીઓને નજીક આવેલી એક મોટી હૉસ્પિટલમાં લઈ જવા એક ઍમ્બ્યુલન્સ હંમેશા હાજર હશે.આ સિવાય આ સંકુલમાં એક નાનું જીમ ,મૅડિટેશન અને યોગ માટે હૉલ,એક લાયબ્રેરી,અહીં દરેક ભાષાનાં છાપાં ,મૅગેઝિન મંગાવી શકાશે.ડિલકસ અને એનાથી ઉપરના કલાસની રૂમ્સમાં તમને જેની આદત હોય એ છાપાં,મૅગેઝિનનું લિસ્ટ અહીં દાખલ થતી વખતે ભરવાના ફોર્મ માં લખી શકાશે ,તમને રોજ સવારે તમારા રૂમમાં એ છાપાં મળી જશે.એક નાનું સુપરમાર્કેટ પણ પ્લાન કરવામાં આવ્યું હતું જ્યાં રોજબરોજની જરૂરિયાતની વસ્તુઓ ઉપરાંત નાસ્તા,બિસ્કીટ્સ,ચોકલેટસ,કેક ,ફળો,આઈસક્રીમ મળશે,સામાન તમારા રૂમ સુધી પહોંચાડવાની જવાબદારી સ્ટોરની હતી,ઍડવાન્સ કૅટગરીનાં વૃધ્ધોની ખરીદેલી વસ્તુઓમાંથી એમના હેલ્થ રીપોર્ટ પ્રમાણે નુકશાન કરે એવી ચીજવસ્તુઓ કાઢી લેવામાં આવશે એ બાદ બિલ ચાર્જ કરવામાં આવશે.ઓલ્ડએજ હોમની પોતાની નાની બૅંકની બ્રાન્ચ હતી,જેમાં દરેક મૅમ્મબર માટે એક ફરિજયાત ઍકાઉન્ટ ખોલવામાં આવશે,અને દાખલ થતી વખતે અમુક રકમની ડિપોઝિટ ભરવી ફરજિયાત હશે,હા જનરલ કૅટેગરી માટે આ શરત નહતી.તમારા એકાઉન્ટમાં જમા રકમ મુજબ તમને ડૅબિટ કાર્ડ આપવામાં આવશે જે સંકુલની અંદર ખરીદી માટે વાપરી શકાશે,જેમકે તમારા મિત્રને ફલાવર્સ મોકલવા છે, કાર્ડ કે ગિફટ મોકલવી છે,તમારે નાની પાર્ટી આપવી છે તો કાફૅમાં એ મુજબ પ્લાન કરી આપી શકો.
પછી કૅટેગરી પ્રમાણે રૂમ બતાવ્યા,જનરલ નો રૂમ નાનો,સ્વચ્છ,સુઘડ એક પલંગ,એક ટેબલ અને ચૅર,એક કબાટ અને અટૅચ્ડ બાથરૂમ, હા દરેક માળ પર એક ફોન જયાંથી ઑપરેટરની મદદથી કોઈપણ લોકલ,બહારગામ કે ઈન્ટરનેશનલ કૉલ કરી શકાય,દરેક માળ પર એક ટીવી,છાપાં માટે કોમન હૉલ હતો,ગરમ પાણી દિવસમાં બે વાર મળી શકશે.ઍડવાન્સ્ડ જનરલમાં રૂમની અંદર ફોન અને ટીવી હતાં. ઍક્ઝિક્યુટિવ અને સુપર ડિલક્સ માટે ઍરકન્ડિશન્ડ રૂમ હતો,ટીવી, ફોન,ડિવીડી પ્લેયર ,પર્સનલ કમ્પ્યુટર જેવી સુવિધા હતી,પર્સનલ ડાયેટિશ્યનની સુવિધા હતી એના પ્લાન મુજબ તમે તમારું મૅનુ નક્કી કરી શકો.ઈન્ટરનેટ અનલિમીટેડ હતું બાકીના રૂમ્સમાં ઈન્ટરનેટ માટે કૉમન હૉલમાં કમ્પ્યુટર્સ હતાં.ઑડિઓવીડીઓ ક્લીપ પૂરી થઈ એટલે પેલી યુવતી હસતાં હસતાં કહે હજુ ઘણી સુવિધાઓ ઉમેરવામાં આવી છે,તમને થોડી જ વારમાં બ્રોશર મળી જશે જેમાં કૅટેગરી પ્રમાણે સુવિધાઓ અને એના ચાર્જીસ લખેલાં હશે.અમારી કંપની સૌ વૃધ્ધોને આવકારવા ઉત્સુક છે,અમને વિશ્વાસ છે કે એકવાર અમારું મૉડેલ સફળ થશે એટલે દેશમાં બીજે પણ આવાં અનેક હોમ્સ બાંધવાની ઈચ્છા છે.આગામી આકર્ષણોમાં કપલ્સમાટેના નાની પૅન્ટ્રી સાથેના કૉટેજીસ,બેડરિડન વૃધ્ધોનું સીસીટીવી દ્વારા એમના દિકરાઓમાટે લાઈવ ટ્રાન્સમિશન અને ચૅટની સગવડ,વીલ બનાવવા માટે વકીલની સગવડ,તિર્થયાત્રાઓ અને દેશવિદેશના પ્રવાસોનું આયોજન વગેરે
હવે આપ સૌ માટે અહીંના કાફૅટેરિયામાં ચા-કૉફી-નાસ્તાની ગોઠવણ કરવામાં આવી છે ત્યાર બાદ આપ સૌને જે કાંઈ જાતે ફરીને જોવું હોય અમારા સ્વયંસેવકો તૈયાર જ છે, તમારી સાથે આવવા.અડધા કલાક પછી ફરી અહીં જ ભેગાં થઈશું,ઉદ્ઘાટન સમારોહ માટે.
જેવાં બધાં કાફૅટેરિયામાં ચા-નાસ્તો કરવા બેઠા એટલે શર્માઅંકલ એમના મોટા દિકરા સામે જોઈને કહે આવું સરસ બનાવ્યું છે કે કોઈને પણ અહીં આવવાનું મન થાય,શર્માઆંટી કહે મને તો ટીવી અને ઍસી વિના ના ચાલે પણ સુપર ડિલકસના દિવાલ અને પડદા ,સૉફા વગેરેના કલર્સ મને ન ગમ્યાં,એ આપણી પસંદગીના આપે તો સારું લાગે.દેશમુખઆંટી અને ડિસોઝાઆંટીને પથારીવશ વૃધ્ધોના વિભાગના ચાર્જીસ જાણવા હતાં,એમને હતું જ્યારે આપણી આવી હાલત થશે તો કોણ આવશે ?! દેસાઈઅંકલ કહે મેં તપાસ કરી જનરલ વિભાગનું સંચાલન આ જે એનજીઓ છે એ લોકો કરવાના છે જેથી એની ફીઝ નહીંવત્ છે અને સાવ ગરીબ નિરાધાર વૃધ્ધો માટે મફત છે,ડિલકસ ્અને એની ઉપરનાં ક્લાસ માટે સમીરની કંપનીએ એક ફાઈવસ્ટાર હૉટલ મૅનેજમેન્ટ કંપનીને રોકી છે એટલે એનાં ચાર્જીસ બહુ જ વધારે છે,પણ અમુક હિસ્સો એ લોકો જનરલ વિભાગનાં સંચાલન માટે નિયમિત રીતે આપશે.
એ સાંભળી શર્માઅંકલ બોલ્યા જનરલ વિભાગ સગવડને નામે સાવ મિંડું છે ત્યાં આમેય નિરાધારો સિવાય કોણ આવશે,બધાંની ચર્ચા સાંભળી રહેલાં અને અત્યાર સુધી ચૂપ રહેલાં સૂરજબા બોલ્યાં,આ મારા પોતરા વસનજીએ મને ચાર ધામને બારે ય જ્યોતિર્લિંગના દર્શન કરાવ્યાં,ગાડીના સેકન્ડ કલાસમાં ફેરવી અને ધર્મશાળામાં રાખી પણ જરાવાર મને રેઢી મૂકી નથી,મારો હાથ છોડીને ક્યાંય આગળ ગયાે નથી,ક્યારેય ભૂખી રાખી નથી, મારે મા તરીકે એટલું તો સમજવું પડે કે એની સાથે મને રાખે છે તો એનાં સુખ-દુઃખ એ મારા સુખ-દુઃખ.જે દિવસે મને એવું થશે કે એણે મારું સુખ સાચવવાનું,એનું પોતાનું જે થવાનું હોય એ થાય એ દિવસે મારા ઘરમાં નરક આવશે.ભાઈ, આ ડિલકસ શું કે જનરલ શું?! તમારા દિકરાને તમે ભારે પડ્યા કે તમારા સ્વાર્થે તમને ભારરૂપ કર્યા,…..તો અહીં ઘરડાંઘર માં આવવું પડે એટલે એ ડિલકસમાં ય મને તો ઉંઘ ના આવે.
સલોનીને આ જ સાંભળવું હતું,એને પોતાની તૈયાર કરેલી સ્પીચ યાદ આવી,એના વિચારો ખોટા નથી કોઈ તો સમજશે.સૂરજબાની વાત કડવી હતી પણ સાવ સાચી હતી .પળવારમાં સગવડભર્યા વાતાવરણે રચેલો ભ્રમ ખસી ગયો ,એટલામાં એક સ્વયંસેવકે આવીને કહ્યું માનનિય મૅયર આવી ગયા છે કાર્યક્રમ થોડીવારમાં જ શરૂ થશે ઑડિટોરીયમમાં આવો.
આગળની વાત આવતીકાલે…
-નેહલ